Шумо таътили зимистонаи худро чи гуна гузаронидед?
Шумо таътили зимистонаи худро чи гуна гузаронидед?
- Подробности
- Категория: ХАБАР
- Опубликовано 31.01.2015 20:54
- Автор: Фируз Касымов
Тули як моҳ хонандагони мактабҳои миёнаи ҷумҳурӣ дар таътили зимистона буданд ва ба чи корҳо онҳо тули ин моҳ машғул буданд, ба ин савол хабарнигорони dastbadast.tj аз хонандагони мактабҳои миёнаи пойтахт посух гирифтанд.
АСЛИДДИН АҲМАДОВ, хонандаи мактаби №54-и шаҳри Душанбе:
«Ман таътили кӯтоҳмуддати зимистонаи худро хеле ҳам хуб гузаронидам ва дар ин таътил бисёртар ба дарсҳои иловагӣ машғул будам. Аз сабаби оне ки ман бисёртар ба дарсҳои иловагӣ банд будам, фурсате наёфтам, ки китобҳои бадеиро хонам. Ман ин таътил дилтангӣ наовард ва баръакс ин муддат бароям ками кард, ман танҳо як маротиба ба хонаи бобою бибиам рафтам ки он аз Душанбе беру наст».
ЛАЙЛО ИСМАТОВА, хонандаи мактаби №51-и шаҳри Душанбе:
«Ман дар ин таътил танҳо сайру гашт намудам, аммо ман дар ин таътил ба ҳеҷ куҷо сафар накардам».
ШОДМОН КАРИМОВ, хонандаи мактаби №90-и шаҳри Душанбе:
«Ман ин таътили зимистонаро ба хондани китобҳои бадеи гузаронидам, ман дар ин таътил махсусан китоби шоҳномаи Фирдавсӣ ва «Ҳафт пайкарӣ» устод Рӯдакиро хондам. Таътили зимистона ба ман хеле ҳам писанд омад, чунки ман бисёр вақти холӣ доштам ва ба бисёр китобхонаҳо рафтам, ман дар ин таътили зимистона ба назди бибию бобоям ба деҳот рафтам, ин таътили зимистона каме бошад, ҳам ба манд дил танги овард аммо хеле хуб гузашт, ба ман таътили зимистон хеле ҳам писанд омад».
ФАРИДДУН КАМОЛОВ, хонандаи мактаби №54-и шаҳри Душанбе:
«Ман ин таътили зимистонаи худро хеле хуб гузаронидам, чун ки дар ин таътил ман бисёр корҳои нотамомамро ба итмом расонидам, ман дар ин таътил биёр китобҳое ки дар китобхонаҳо фурӯхта мешаванд ҳамонҳоро хондам».
МАКНУНАИ АЗИЗҶОН, хонандаи мактаби №66-и шаҳри Душанбе:
«Ман дар ин таътил китобҳои русиро хондам ва каме бошад ҳам аз ин баҳра гирифтам. Таътили зимистона ба ман хеле писанд омад чунки ман бо ҳамроҳии оилаам ба сайру гашт рафтем ва дар ин таътил ба Боғи ҳайвонот ва ба дигар ҷойҳо рафтам. Ман дар ин таътил ба дарсҳои иловагӣ журналисти рафтам, таътили зимистона ба ман дилтангӣ наовард, чунки ин таътил ба хушу хурсандӣ гузашт, ба ман харду таътил писанд аст».
МАШРАФ АБДУЛЛОЕВ, хонандаи мактаби №16-и шаҳри Душанбе:
«Ман таътили зимистонаи худро хуб гузаронидам, ман мутасифона ягон китоби бадеӣ нахондам, таътили зимистона ба ман писан омад, чунки ҳавояш хеле гарм буд ман дар ин таътили зимистона ба ҳеҷ куҷо сафар накардаам».
ФИРУЗ САЙФИЕВ, хонандаи мактаби №72-и шаҳри Душанбе:
«Ман ин таътилро ки ба мо 15 рӯз дода шуда буд, хеле хуб гузаронидам ва дар ин таътил ба сирк омадам».
ТАХМИНА ТУРСУНОВА, хонандаи литсеи 2-и шаҳри Душанбе:
«Ман ин таътили зимистонаро хуб гузаронидам ва ба якчанд ҷойҳо рафтам. Ман дар ин таътил бисёр китобҳоро хондам аз қабили «Марди судхӯр», «Духтари оташ» ва дигар китобҳо».
ИДИБЕК САФАРОВ, хонандаи мактаби №66-и шаҳри Душанбе:
«Ман дар ин таътили китобҳои бадеӣ нахондам аммо китобҳои дарси хондам, ин таътили зимистона ба ман писанд омад чунки дар ин таътил бисёр гаштугузор кардам, ман бисёртар дар ин таътил ба дарсҳои иловагӣ ва ба хондани китобҳо машғул шудам, таътили дарози як моҳа ба ман дилтангӣ наовард. Ба ман бисёртар таътили мавсимӣ писан аст».
СУНАТУЛЛОИ РАШИД, хонандаи литсеи 2-и шаҳри Душанбе:
«Ман таътили зимистонаи худро хеле хуб гузаронидам ман дар таътили зимистона аз нависандагони рус ва англис, инчунин тоҷикӣ низ китоб хондам. Таътили зимистона ба ман писанд омад, чунки ман ин таътилро бо дӯстони худ гузаронидам ва дар ин таътили зимистона қариб ба ҳеҷ куҷо сафар накардам, аммо танҳо ба хонаи модаркалонам рафтам».
Муаллиф: Саймуҳаммади ВАЛИ
Муҳаррир: Фируз ҚОСИМОВ
dastbadast.tj
Таътили тобистонаи навҷавонони тоҷик чи гуна мегузарад?
Дар макотиби Тоҷикистон таътили тобистона фаро расид. Мумкин аст баъзе аз падару модарон фарзандони худро барои истироҳат ба осоишгоҳҳо фиристанд, гарчи чунин кор дар аксари хонаводаҳои тоҷик ривоҷ наёфтааст, зеро дар ин давра дар деҳот фарзандон низ нерӯи корӣ ҳастанд ва ба падару модар дар парвариши ҳосили зироъат, ҷамъоварии он ва ё дар корҳои сохтмонӣ кумак мекунанд.
Аммо баъзе хонаводаҳои камбизоъат бо истифода аз ду-се моҳи таътили тобистона фарзандонашонро ба Русия мефирситанд, то дар назди ақрабои худ, ба қавли маъруф, «чанд танга кор кунанд». Хабарнигори мо Шоҳини Равшан дар ин бора гузориши шунидание омода кардааст.
Солҳои ахир шумораи бештари муҳоҷирони кории тоҷик, ки дар Русия собиқаи корӣ доранд, зану фарзандони худро ба ин кишвар даъват кардаанд. Фарзандони онҳо дар ин кишвар дар мактабҳои русӣ таҳсил мекунанд. Фарзиндони муҳоҷирони кории тоҷик дар ин мавсим чи кор мекунанд? Оё онҳо низ имкони рафтан ба осоишгоҳҳои кудаконаро доранд?
Дар ин бора гузорише дорем аз хабарнигорамон дар Русия Расули Шодон.
Аз қарнҳо пеш дар Осиёи марказӣ тоҷикон дар қаламрави имрӯзи Узбакистону Қазоқистон, Қирғизистон ва Чин ба сар мебаранд. Шумораи зиёди онҳо дар солҳои Иттиҳоди Шуравӣ дар давраи режими кумунистӣ иҷборан ё зери таъсири равандҳои сиёсии замона миллияти худро огоҳона ё ноогоҳона тағйир доданд. Яке аз чунин маҳаллот қаламрави имрӯзи
Қазоқистони ҷанубист. Ҳамкори мо Насибҷони Амонӣ дар Алмаато дар идомаи силсилагузоришҳояш дар бораи тоҷикони Қазоқистон мегӯяд, ки дар ин минтақа тоҷикон забони худро нигоҳ доштаанд, вале ин забон бештар ба забони хонагиву рӯзгордорӣ табдил ёфтааст.
Ҷамъияти фарҳангии тоҷикони муҳоҷири муқими вилояти Твери Русия яке аз ҷамъиятҳои шинохта ба шумор меравад. Ин ҷамъият ҳамеша барои муҳоҷирони кории тоҷик барномаҳои фарҳангӣ анҷом медиҳад. Мо дар шумораи гузаштаи барномаамон бахши аввали мусоҳиба бо раиси ин ҷамъият Муқим Майбалиевро пахш карда будем. Дар барномаи имрӯзаамон бахши дувуми ин мусоҳиба пешкаши шумо мешавад.
Маҳмадалӣ Ҳакимов, сокини ноҳияи Рашт, ки дар бозори «Черкизово»-и пойтахти Русия шаҳри Маскав ба тиҷорат машғул буд, мегуяд, дигар ёди Русия ва мардикорӣ намекунад. Ӯ дар ҳодисае ба таври муъҷизавӣ аз марг ҷон ба саломат бурдааст ва акнун мегӯяд, ки дар ҳамин ҳол бештар аз даҳ тоҷики муҳоҷир ва муҳоҷирони кишварҳои дигар дар паҳлӯи вай қурбон шудаанд. Ҳамкори мо Маҳмуди Шодӣ дар Рашт баъд аз гуфтугӯ бо Маҳмадалӣ Ҳакимов дар бораи он ҳодиса ва тақдири баъдии ӯ дар Русия гузориш медиҳад.
Ёдовар мешавам, ки барномаи мо ҳар ҳафта рӯзҳои шанбеву якшанбе соъати 20-у 30 дақиқа ва субҳи якшанбеву душанбе соъати 8-у 30 дақиқа ба вақти Душанбе ах тариқи роқиюи «Озодӣ» пахш мешавад.
www.ozodi.org
Таъмини бехатарӣ аз сӯхтор дар давраи таътили тобистона
Таъмини бехатарӣ аз сӯхтор дар давраи таътили тобистона
Таътили тобистонаи бачагон низ фаро расидааст. Барои бофароғат гузаштани таътили онҳо аз тарафи Ҳукумати Ҷумҳурии Тоҷикистон, Вазорати корҳои дохилии Ҷумҳурии Тоҷикистон ва Сарраёсати хадамоти давлатии оташнишонии ВКД чораю тадбирҳои мушаххас андешида шудаанд. Агар бештари мактаббачагон рӯзҳои таътилашонро дар муҳити оила дар ҳалқаи хешу ақрабон ва пайвандонашон гузаронанд, бештари дигари онҳо бошад, таътилро дар фароғатгоҳҳову лагерҳои тобистона гузаронида, баъд аз истироҳат бо як нерӯю қувваи тоза боз ба мактаб бар мегарданд.
Барои он, ки ин фасли зебо ба бачаҳо таассуроти хушу нек боқӣ гузорад, бояд масъулону мутассадиёни иншоотҳои мазкур назоратро аз болои бачаҳо дучанд намуда, қоидаҳои техникаи бехатарӣ ва бехатарӣ аз сӯхторро қатъиян риоя намоянд.
Бино ба таҳлили мутахассисон яке аз сабабҳои сар задании ҳодисаҳои сӯхтор ин оташбозии кӯдакон буда, ҳамасола аз 100% фисади сӯхторҳои ба вуқӯъ омада, 25% аз оташбозию гугирдбозии кӯдакон рух медиҳанд.
Аз ҳамин лиҳоз, эмин нигоҳ доштани фароғатгоҳу истироҳатгоҳҳо, хусусан дар вақти таътили тобистона вазифаи ҳамагон мебошад.
Баҳри пешгирӣ намудани чунин ҳодисаҳои ногувор чӣ бояд кард?
Нахуст, ҳар як корманди муассисае, ки дар ихтиёраш кӯдакон ҳастанд, вазифадор аст қоидаҳои бехатарӣ аз сӯхторро донад ва қатъиян риоя намояд. Дигар, ҳангоми сар задани сӯхтор ҳамаи чорабиниҳо, ки барои наҷот додани одамон ва хомӯш кардани сӯхтор ба ӯ вобастааст, иҷро намояд.
Биноҳҳо бояд бо олоту асбобҳои сӯхторхомӯшкунӣ, воситаҳои автоматикии аз сӯхтор воқифкунанда ва алоқа таъмин бошанду дар ҳолати коршоям нигоҳ дошта шаванд. Ба шахсони навкор дар бораи риояи чорабиниҳои бехатарӣ аз сӯхтор, даъват намудани гурӯҳи оташнишонҳо дастур додан лозим аст. Онҳо инчунин бояд воситаҳои сӯхторхомӯшкуниро истифода бурда тавонанд.
Гирду атрофи муассиса, роҳҳо ва гузаргоҳҳоро банд кардан мумкин нест. Муассисаҳои истироҳатӣ бояд бо об таъмин бошанд. Агар қубури обии зиддисӯхтор набошад, ҳавзҳои табиӣ ё обанборҳои сунъии ҳаҷмашон камаш 50 метри куббӣ сохтан лозим аст.
Фосилаи байни катҳои хобгоҳҳои истироҳатӣ бояд камаш 0,8 м, барои гузаргоҳи марказӣ камаш 1,2м бошад. Лавозимот бояд роҳрав ва гузаргоҳҳоро банд накунонад.
Дарҳои баромадгоҳҳои эҳтиётӣ бояд озод ва осон кушода шаванд, чунин роҳҳоро мехзада, маҳкам кардан қатъиян манъ аст.
Калидҳои хонаҳои муҳим бояд дар ҷойҳои муайян, ки ҳангоми зарурат фавран гирифтан мумкин аст, нигоҳ дошта шаванд. Қисмҳои чӯбини чортоқу рафҳо ва гӯшаҳо бояд бо хокаи ба оташ тобоварандаи махсус коркард карда шаванд.
Бояд роҳбарон ва кормандони масъули лагерҳои мактаббачагон (лагерҳои назди мактабӣ) бо телефонҳо таъмин карда шуда, ҳаррӯза алоқаи доимӣ бо Хадамоти оташнишонӣ дошта бошанд. Биноҳои дуошёнаи фаъолият дошта бошанд, дар ин биноҳо кӯдакони хурдсолро дар ошёнаи дуюми биноҳои дуошёна ҷойгир кардан манъ аст.
Дар биноҳҳои муассисаҳои бачагон ва профилактикию-табобатӣ кафшергарӣ ва дигар корҳои ба оташ вобаста танҳо бо иҷозати роҳбарони ин муассисаҳо ё шахсоне, ки ба ҷои онҳо кор мекунанд, мумкин аст. Корҳои кафшеркуниро бояд мутахассисони баландихтисос бо шарти риояи ҳамаи чораҳои зарурӣ ва бо воситаҳои сӯхторхомӯшкунӣ таъмин кардани ҷои кор иҷро намоянд.
Танҳо дар ин ҳолат, мо истироҳати бофароғати фарзандонамонро ба пуррагӣ таъмин намуда метавонем.
Хотирасон мешавем, ки ҳангоми ба амал омадани сӯхтор ва ё зоҳир гардидани нишонаҳои он ҳатман ба Хадамоти оташнишонӣ ба телефони = 01= (аз телефонҳои мобилӣ=101) занг задан зарур аст.
Кароматулло Абдуллоев, Толиб Ҳаётов, СХДО ВКД ҶТ.
11.06.2018 10:46 572 Ҳамкорӣ бо ҷомеа
mvd.tj
Таъмини бехатарӣ аз сӯхтор дар давраи таътили тобистона
Таътили тобистонаи бачагон низ фаро расида истода, барои бофароғат гузаштани таътили онҳо аз тарафи Ҳукумати Ҷумҳурии Тоҷикистон, Вазорати корҳои дохилии Ҷумҳурии Тоҷикистон ва Сарраёсати хадамоти давлатии оташнишонӣ чораю тадбирҳои мушаххас андешида шудаанд.
Бештари мактаббачагон рӯзҳои таътилашонро дар муҳити оила дар ҳалқаи хешу ақрабо ва пайвандонашон гузаронанд, бештари дигари онҳо таътилро дар фароғатгоҳҳову лагерҳои тобистона гузаронида, баъд аз истироҳат бо нерӯи тоза ба мактаб бар мегарданд.
Барои он, ки ин фасли зебо ба бачаҳо таассуроти хушу нек боқӣ гузорад, бояд масъулону мутассадиёни иншоотҳои мазкур назоратро аз болои бачаҳо дучанд намуда, қоидаҳои техникаи бехатарӣ ва бехатарӣ аз сӯхторро қатъиян риоя намоянд.
Бо ҳамин мақсад бо супориши роҳбарияти ВКД кормандони назорати давлатии бехатарӣ аз сӯхтор баҳри пешгирӣ намудани ҳодисаҳои номатлуб дар иншоотҳои зикргардида, корҳои профилактикӣ-оташнишонӣ ва фаҳмондадиҳиро ҷонок намуда истодаанд.
Бино ба таҳлили мутахассисон яке аз сабабҳои сар задании ҳодисаҳои сӯхтор ин оташбозии кӯдакон буда, ҳамасола аз 100 фисади сӯхторҳои ба вуқӯъ омада, 25 фисадаш бо сабаби оташбозию гугирдбозии кӯдакон рух медиҳанд.
Аз ҳамин лиҳоз, эмин нигоҳ доштани фароғатгоҳу истироҳатгоҳҳо, хусусан дар вақти таътили тобистона вазифаи ҳамагон мебошад.
Баҳри пешгирӣ намудани чунин ҳодисаҳои ногувор чӣ бояд кард?
Нахуст, ҳар як корманди муассисае, ки дар ихтиёраш кӯдакон ҳастанд, вазифадор аст қоидаҳои бехатарӣ аз сӯхторро донад ва қатъиян риоя намояд. Дигар, ҳангоми сар задани сӯхтор ҳамаи чорабиниҳо, ки барои наҷот додани одамон ва хомӯш кардани сӯхтор ба ӯ вобастааст, иҷро намояд.
Дар муассисаҳое, ки кӯдакон шабонарӯз сокин мебошанд, навбатдорӣ ташкил кардан лозим аст. Навбатдор бояд чароғи барқии дастӣ дошта бошад ва дар ҳолати зарурӣ аз он исифода бурда тавонад. Сари ҳар чанд вақт дониш ва вазифаи навбатчиёнро санҷидан лозим аст.
Биноҳо бояд бо олоту асбобҳои сӯхторхомӯшкунӣ, воситаҳои автоматикии аз сӯхтор воқифкунанда ва алоқа таъмин бошанду дар ҳолати коршоям нигоҳ дошта шаванд. Ба шахсони навкор дар бораи риояи чорабиниҳои бехатарӣ аз сӯхтор, даъват намудани гурӯҳи оташнишонҳо дастур додан лозим аст. Онҳо инчунин бояд воситаҳои сӯхторхомӯшкуниро истифода бурда тавонанд.
Гирду атрофи муассиса, роҳҳо ва гузаргоҳҳоро банд кардан мумкин нест. Муассисаҳои истироҳатӣ бояд бо об таъмин бошанд. Агар қубури обии зиддисӯхтор набошад, ҳавзҳои табиӣ ё обанборҳои сунъӣ дар ҳаҷми камаш 50 метри куббӣ сохтан лозим аст.
Фосилаи байни катҳои хобгоҳҳои истироҳатӣ бояд на камтар аз 0,8 м, барои гузаргоҳи марказӣ камаш 1,2 м бошад. Лавозимот бояд роҳрав ва гузаргоҳҳоро банд накунонад.
Дарҳои баромадгоҳҳои эҳтиётӣ бояд озод ва осон кушода шаванд, чунин роҳҳоро мехзада, маҳкам кардан қатъиян манъ аст.
Калидҳои хонаҳои муҳим бояд дар ҷойҳои муайян ва дастрас нигоҳ дошта шаванд. Қисмҳои чӯбини чортоқу рафҳо ва гӯшаҳо бояд бо хокаи ба оташ тобоварандаи махсус коркард карда шаванд.
Бояд роҳбарон ва кормандони масъули лагерҳои мактаббачагон (лагерҳои назди мактабӣ) бо телефонҳо таъмин карда шуда, ҳамарӯза бояд бо Хадамоти оташнишонӣ алоқаи доимӣ дошта бошанд. Дар биноҳои дуошёна бошад, кӯдакони хурдсолро дар ошёнаи дуюми ин биноҳо ҷойгир кардан манъ аст.
Дар биноҳҳои муассисаҳои бачагон ва профилактикию-табобатӣ кафшергарӣ ва дигар корҳои ба оташ вобаста танҳо бо иҷозати роҳбарони ин муассисаҳо ё шахсоне, ки ба ҷои онҳо кор мекунанд, мумкин аст. Корҳои кафшеркуниро бояд мутахассисони баландихтисос бо шарти риояи ҳамаи чораҳои зарурӣ ва бо воситаҳои сӯхторхомӯшкунӣ таъмин кардани ҷои кор иҷро намоянд.
Барои хомӯш кардани сӯхтор дар хонаҳои истироҳатии кӯдакон ва бӯстонсароҳое, ки дар деҳаҳо ҷойгиранд, бояд дар ихтиёрашон ҳатман мотопомпа ё насосҳои доимии сӯхторхомӯшкунӣ дошта бошанд. Нигоҳубини мотопомпа ва насосҳо ба зиммаи шахсони масъул, ки қоидаи бо он коркарданро омӯхтаанд, бояд гузошта шавад. Барои эҳтиёҷоти хоҷагӣ ва ғайра истифода бурдани воситаҳои сӯхторхомӯшкунӣ ва асбобҳои зиддисӯхтор қатъиян манъ аст.
Танҳо дар ин ҳолат, мо истироҳати бофароғати фарзандонамонро ба пуррагӣ таъмин намуда метавонем.
Хотирасон мешавем, ки ҳангоми ба амал омадани сӯхтор ва ё зоҳир гардидани нишонаҳои он ҳатман ба Хадамоти оташнишонӣ ба телефони = 01= (аз телефонҳои мобилӣ=101) занг задан зарур аст.
Кароматулло Абдуллоев, Толиб Ҳаётов, СХДО ВКД ҶТ
23.05.2017 17:51 1320 Главная
Добавить комментарий
mvd.tj